DAVAO DEL SUR – Angol ang usa ka trisikol drayber human nga gitigbas- sa iyang 3 ka mga pasahero.
Atol sa imbestigasyon sa kapulisan, nasayrang nagpatahod ang 3 ka mga suspetsado kagahapon,pasado ala una sa kadlawon, Oktobre 13 ning tuiga ngadto sa Paradise Subdivision, Barangay Tres de Mayo, Digos City, Davao del Sur.
Apan, pagkaabot matud pa sa gihitabuan sa insidente, kalit matud pa nga mideklara ang usa suspek ngadto sa drayber og holdap ug pugsanong giilog ang trisikol gikan sa biktima.
Gumikan sa pagsukol sa biktimang giilang si Jolito Cardines, residente sa Manggahan, Barangay Tres de Mayo, Digos City, Davao del Sur, gitigbas kini sa mga suspetsado sa makadaghang higayon rason nga nagisi ang ulo niini ug hilabihan ang samad nga nahiaguman sa braso niini gumikan sa pagdepensa sa iyang kaugalingon.
Gilayong nakaikyas ang 2 sa 3 sa mga suspetsado human nga miresponde ang kapulisan,samtang balhog na karon sa kwerpo sa kapulisan ang usa sa babayeng suspek nga nakuhaan og iligal nga droga nga ginatuohan sab sa kapulisan nga nakapayuhot og iligal nga droga rason nga nangholdap kini ug giilang si Noraiza Abella, 24 anyos ug residente sa Purok Malabago, Sitio Biao, Barangay Cogon, Digos City.
Samtang, ang 2 ka lalaking suspek nga nakaikyas nga giilang sila Dany Lagindab, residente sa Purok Islam, Lopez Jaena St., Barangay Zone 1, Digos City, samtang ang usa padayon pa nga ginaila, ang ginapangita sab kapulisan rason nga nanawagan ang otoridad sa mga nakaila sa mga suspetsado nga gilayon kining itaho aron masilbi ang hustisyang ginapangayo sa biktima.
Kasong, carnapping ang atubangon sa mga suspetsado.
