DAVAO CITY – Nakabsan sa kinabuhi ang usa ka 36-anyos nga traysikol drayber human nga gipusil pasado alas 11 ang takna kaganinang udto.
Subay sa report sa kapulisan, giila ang biktima nga si Kenn Roger Pisa, 36 anyos, minyo nga residente sa Deca Homes Talomo, ning dakbayan.
Sumala pa sa inisyal nga imbistigasyon, igo lamang nagsundo sa iyahang anak sakay sa iyahang traysikol ang biktima, apan pag-abot niini sa tungod sa Bago Elementary School kalit kini nga gipusil sa nakamotorsiklo nga mga suspetsado.
Saysay sa mga naksaksi sa maong panghitabo nga tulo ka buto sa armas ang nadunggan atol sa pagpamusil ug human sa panghitabo, dali sab nga misibat ang duha ka mga suspek nga sakay ang motorsiklo.
Ginasubay na usab karon sa kapulisan ang sumala pa blotter sa barangay nga kabahin sa nakabangi sa biktma.
Sa karon, posibleng personal grudge ang tinubdan sa maong krimen.
