-- ADVERTISEMENT --
Gipanghimakak ni kanhi senador Antonio Trillanes IV ang report nga mibisita siya kang kanhi Presidente Rodrigo Duterte sa International Criminal Court (ICC) detention center sa The Hague, Netherlands niadtong Biyernes alang sa gitawag nga “welfare check.”
Matod ni Trillanes dili tinuod ang maong balita.
Giklaro niini nga dali ra masuta ug adunay mobisita sa kanhi pangulo tungod sa dokumentado ang mosulod-gawas sa detention center.
Gidugang pa niini nga adunay 24/7 access sa telepono si Duterte, mao nga dali ra siyang makapahibalo sa iyang pamilya ug adunay dili maayong panghitabo.
