DAVAO CITY – Idili na ang pagpahimutang ug non-transparent garbage bins sa San Pedro Square isip kabahin sa ipatuman nga seguridad sa lugar.
Sumala pa kang Task Force Davao commander Colonel Consolito Yecla nga tanan nga mga basurahan sa maong area kinahanglan nga transparent aron masiguro nga dili kini mabutngan ug mga eksplosibo sa mga dautan nga elemento.
Hinuon sab sumala pa nga prayoridad ang nahisgutan nga area sa pagpangolekta ug mga basura.
Samtang hugtanon nga makiglambigit ang TF Davao ngadto sa Philippine National Police ug uban pang auxiliary agencies ingon man event organizers aron nga masiguro nga mapatuman ug tarong ang seguridad.
Una ng gitino sa opisyal nga No Jacket Policy,magpatuman pa gihapon sila ug konsiderasyon ug exemptions ilabi na kadtong mga tawo nga adunay balatian apan kinahanglan pa gihapon nila kini nga hubuon samtang anaa sa venue alang sa inspeksiyon.
