DAVAO CITY- Nakaangkon ug dakong kadaot ang atubangan nga bahin sa trailer truck human nga nibanga kini kaganihang kaadlawon.
Subay sa report sa kapulisan, pasado alas kuatro kaganihang kaadlawon, samtang nagsubay ang nasampit nga sakyanan karga ang mga daghang kahon sa beer apan pag-abot niini sa atubangan nga bahin sa Manollete Bakeshop sa Dumoy Cotabato road ning dakbayan kalit kining nibangga sa center island sa karsada nga miresulta sa pagkalupyak sa atubangan nga bahin sa trak ug pagkaguba sa kongkreto nga center island.
Swerte nga wala napuruhan ang drayber nga si Raymart Dug-oy Leniogao, 28 anyos, residente sa Braulio E. Dujali, Davao Del Norte.
Nasayran nga gikan sa Toril ang trailer trak ug padulong kini sa Bago Aplaya. Sa imbistigasyon sa kapulisan self accident ang maong panghitabo.
