DAVAO CITY – Malipayon nga gipahibalo ni City Tourism Operation Office (CTOO) head Generose Tecson nga hinay-hinay na karun nga misaka ang Tourist arrival sa dakbayan sukad nga giluagan na ang mga retrictions sa siyudad.
Sumala sa opisyal nga anaa matud pa sa kapin 100,000 ang gisaka niini sa unang quarter niining tuig kasamtangan.
Lauman sumala pa nga madungagan pa ang nahisgutan nga ihap ilabi na nga nakahan-ay na ang mga dagkung aktibidad nga ipahigayon sa siyudad sulod karung tuiga.
Samtang sa bahin sa security sector, gipasalig sa mga nahisgutan nga hugtanon nila nga ipatuman nag minimum health protocols arun masiguro ang kaluwasan sa panglawas sa mga mubisita sa dakbayan.
Gipasalig sab sa Davao City Police Office (DCPO) nga i-deploy nila ang mga sakop sa Tourist Police arun mubantay sa mga bisita samtang nagpabilin ang mga nahisgutan sa siyudad.
Kahinumduman nga usa ang turismo sa grabe nga naapektohan sukad nga nagsugod ang pandemiya kaniadtong tuig 2020.
Nahimong nihit sab ang pagdagsa sa mga turista atol sa pandemiya gumikan sa hugtanon nga mga restrictions sa dakbayan sama sa pag-required ug pagdala ug negative result sa RT-PCR test sa mga pasahero.
