DAVAO CITY- Nadakpan sa mga kapulisan sa Toril Police Station ang usa ka ikalima nga most wanted person sa dakbayan gumikan sa kasng pagpanglugos.
Subay sa report sa kapulisan giila ang dinakpan nga si WELSON D BERNARDO ,44-anyos, minyu ug residente sa Prk.3, Brgy. Tungkalan, Toril Dist.ning dakbayan sa Davao.
Gidakop ang nahisgutan pasado alas sais ang takna kaganihang buntag sa nasampit nga lugar gumikan sa warrant of arrest nga gipakanaog ni Judge Dante Baguio sa RTC Branch 12 11th Judicial Region sa Ecoland ning syudad tungod sa kasong STATUTORY RAPE.
Walay girekomenda nga pyansa ang korte alang sa temporaryo nga kagawasan sa dinakpan.
Sa pagkakaron ang dinakpan ang gikustudiya na sa Toril PNP samtang gipaabot na lamang karon ang commitment order gikan sa korte.
