DAVAO CITY- Nadakpan sa mga operatiba sa Buhangin PNP ang duha ka mga indibidwal atol sa gilusad nga drug buybust operation sa mga otoridad nga miresulta sa pagkakumpiska sa Php 195,200, nga kantidad sa iligal nga droga kon shabu.
Subay sa report sa mga otoridad gipahigayon ang operasyon sa Holy Trinity St., corner Jeremiah St., Brgy. Cabantian, ning syudad sa Davao nga gikonsidera nga ika-lima sa listahan sa DCPO.
Pasado ala-una ang takna sa hapon nadakpan ang mga nahisgutan nga sila alias “JR” kon Clarence Duran ug alias MASTUL kon Mastul Sahabil nga mga hamtong ang panuigon.
Nakumpiska sab sa mga dinakpan ang cellphone nga gigamit sa transaksyon lakip na ang buybust money ang narekober sa kapulisan.
Sa pagkakaron ang mga dinakpana ang anaa na sa kostudiya sa kapulisan ug pasakahan kini ug kaso karong adlawa sa pagsupak sa RA 9165.
