DAVAO CITY – Dakpan ang giilang Top 5 High Value Individual (HVI) drug suspect sa gilusad nga operasyon sa mga sakop sa Malalag Municipal Police station inabagan sa mga personahe sa Provincial DEU ug Provincial Intelligence Unit sa Davao del Sur ug sa Philippine Drug Enforcement Agency (PDEA).
Naila ang dinakpan nga si DANILO BENGIL BORROMEO @Jhong, 37 anyos, Mekaniko ug residente sa Purok Maabiabihon, Barangay Tres De Mayo, Digos City.
Nasikop ang nahisgutan sa gilusad nga operasyon sa Purok Acacia, Brgy Poblacion , Malalag, Davao del Sur .
Narekober gikan kang Borromeo ang mga pakete sa illegal nga druga, usa ka 1 thousand peso bill (P1,000.00) ug laing duruha ka mga tig-one thousand peso bill nga boodle money ingon man laing duruha pa ka Five hundred peso bill (P500.00).
Kalakip sab sa nakumpiska ang itom nga sling bag, usa ka unit nga cellphone, usa ka itom nga coin purse, usa ka timbangan, usa ka tubular canister color green ug ang motor nga gigamit sa iyang transaksiyon.
Gikanayong Mutimbang ang mga drug items ug 1.8 grams ug adunay street market value nga (P27,000.00).
Kasamtangan karun nga gikustodiya nag dinakpan sa Malalag MPS samtang gi-andam na ang kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002 batok sa dinakpan.
