DAVAO CITY – Diretso balhug sa presohan ang giilang Top 3 Most Wanted Person sa Compostela Davao de Oro kansa nasikop sa otoridad gumikan sa walo ka ihap sa kasong Statutory Rape.
Una ng gilusad ang operasyon sa mga sakop sa Santo Tomas Municipal Police Station sa Purok 7, Poblacion, Compostela, Davao de Oro.
Malampuson nga nadakpan ang suspek nga nailang si Reynald Dalisme Relabo, 36 anyos, giila sab nga Top 3 Most Wanted Person sa Municipal level ug residente sa nahisgutan nga lugar.
Gitunol gilayon sa suspek ang warrant of arrest nga giduso ni Hon. Carmel G. Grado, Acting Presiding Judge of 12th Judicial Region, Regional Trial Court, Branch 4, Panabo City, Davao del Norte tungod sa 8 counts sa Statutory Rape.
Gipailalom gilayon sa tukma nga proseso ang suspetsado human ang pagsikop kaniya sa otoridad.
Samtang nanawagan sab ang Police Regional Office 11 sa publiko nga kung adunay kasayuran kung asa nahimutang ang nalambigit sa illegal nga aktibidad aron nga gilayon nila kini nga marespondehan ug mapasakahan ug reklamo.
