DAVAO CITY – Balhug karon sa presohan ang giilang Top 2 Priority Target sa Asuncion Municipal Police Station human kini nadakpan sa gilusad nga drug buy bust operation.
Una ng nagpahigayon ug operasyon ang mga sakop sa Asuncion Municipal Police Station ug uban pang security units sa Purok 2B, Barangay Magatos, Asuncion, Davao del Norte hinungdan sa pagkasikop sa suspek nga si Norvel Kelesti Perocho, 37 anyos, laborer ug residente sa Purok 2B, Barangay Magatos, Asuncion, Davao del Norte.
Gikanayong ang nasikop nga suspek giila nga Top 2 Priority Target sa municipal level ug gikonsidera isip High Value Individual (HVI) sa PNP-PDEA Unified Drug Watch List. Narekober gikan sa iyang posisyon ang pakete sa ginadili nga druga, cellphone ug buy bust money nga P 500.00.
Ang nasikop nga suspek ug mga nakuha nga ebidensiya ang anaa karon sa Asuncion Municipal Police Station alang sa tukma nga disposisyon.
Nanawagan na lamang ang kapulisan sa nahisgutan nga lalawigan ngadto sa publiko nga padayon nga makiglambigit kanila pinaagi sa pagpahibalo sa mga indibidwal nga nalambigit sa mga illegal nga aktibidad.
Gikatakda sab nga pasakahan ug kasong kalapasan sa Republic Act 9165 kun Comprehensive Dangerous Drugs Act of 2002 ang suspek.
