DAVAO CITY- Paslak sa prisohan ang usa ka lalaking giilang Top 10 Most Wanted Person sa Provincial Level human masikop atol sa gipahigayong Manhunt Charlie Operation sa mga personahe sa Santo Tomas Municipal Police Station alas 5:12 ang takna sa kahaponon kagahapong adlawa sa Brgy. Tulalian, Santo Tomas, Davao del Norte.
Giila ang suspek nga si Alyas Jojo, 51 anyos, minyo, walay trabaho, usa ka non-government beneficiary ug residente sa Feeder Road 2, Brgy. Tibal-og, Santo Tomas probinsya sa Davao del Norte.
Nasikop ang suspetsado pinaagi sa gahum sa warrant of arrest gumikan sa krimen nga Homicide. Adunay girekomenda nga pyansang P120,000 alang sa temporaryong kagawasan sa dinakpan.
Ning kasamtangan, himas rehas usa ang nahisgutang lalaki nga giilang Top 10 Most Wanted Person Municipal level ug Top 10 Most Wanted Person sa Provincial Level.
