DAVAO CITY – Naduso na ang kasong pagpatay pinaagi sa inquest proceeding batok sa usa ka Tomboy nga gikanayong midunggab patay sa usa ka magtutudlo niining milabay nga adlaw sulod sa Edilberto’s Bed And Breakfast, Apokon Road, Tagum City.
Una ng naila ang suspek nga si Charlene Joyce Cruda Ang, 38 anyos, residente sa Purok 6, Poblacion, Mawab.
Kahinumduman nga nakaplagan na lang ang biktima nga nailhan nga si Teresa Mae Tero, 34, molupyo sa Salvacion, Mawab, Compostela Valley Province nga naligo sa kaugalingong dugo hatud sa daghanang samad dinunggaban nga sa iyang lawas sulod sa Room 310 sa nahisgutang nga gambalay.
Nagtuo ang otoridad nga dihang napatay sa suspek ang biktima, misulay sab kini pagpakamatay gumikan sa samad sa iyang li-og ug dughan nga bahin apan dali lamang kini nga nadala sa balay tambalanan.
Una ng narekober sa kapulisan sa crime scene ang kutsilyo gikan sa posisyon sa suspek.
Gisulayan pa pagdala ang biktima sa balay tambalanan apan gideklara kining dead on arrival sa mga doktor.
Samtang ang suspek nagpabilin pa karon sa Bishop Regan Memorial Hospital ug hugtanon nga gibantayan sa kapulisan.
