DAVAO CITY – Gikatakda na sab nga ipahigayon ang tinuig nga Shake Out Drill sa dakbayan sa bulan sa Hulyo.
Sumala pa kang Lyndon Ancajas, administration ug training chief sa City Disaster Risk Reduction and Management Office (CDRRMO), gisapinal na lamang nila karon ang ensakto nga date kung kanus-a kini ipatuman.
Gitataw sa nahisgutan nga gipasaka pa nila karon ang level sa scenarios panahon nga adunay ipahigayon nga drill.
Samtang plano sab sa Bureau of Fire Protection (BFP) nga magpahigayon ug symposium diin ipakita ang ilang mga ekipo, aktibidad ug plano ilabi na kung adunay masinatian nga sunog.
Tipik lamang kini human nga gisaulog sab karong bulana ang fire prevention month.
Gipasalig sab ni Ancajas nga ipagula gilayon nila ang mga update kalabot sa ilang mga aktibidad sa higayon nga masapinal na kini.
