DAVAO CITY – Nakamugna ug tumang kalisang ug kaguliyang sa tibuok katawhan sa dakbayan sa Dabaw ang talagsaong paghuot sa dagan sa trapiko ug ang pagpang-gawas sa daghang mga ambulansiya, mga firetrucks, mga sakyanan sa kapulisan ug militar kaganinang buntag.
Kini ang resulta sa un-announced simulation exercise bahin sa pagpamomba sa Roxas Avenue, Davao City, kaganinang buntag.
Apan, mi-ani ug daghang mga pagsaway ang Davao city Police office gikan sa mga sumasakay nga nabalda ug nalangay sa ilang pagsulod sa trabaho kaganinang buntag.
Gikatarungan ni Davao city Police officer director Polic3 Col. Kirby John Kraft nga tumong sa nahisgutang kalihukan nga makita kung pa–unsa tubagon sa tanang mga security agencies sa syudad nga gilangkuban sa Task Force Davao, Public Safety and Security Command Center, Central 911, Bureau of Fire Protection, ug uban pa kung ugaling adunay mahitabo nga pagpamomba ilabi na niining panahon sa pandemya.
Labot niini, nangayo ug kooperayson ug pagsabot sa publiko si Col Kraft gumikan kay alang kini sa kaayuhan ug seguridad sa tibuok syudad sa Dabaw ug sa mga residente.
