DAVAO CITY – Giila karon isip usa ka batang bayani ang batan-on nga si Theo Louis Rabat Gayta, 19 anyos, anak ni Mati Vice Mayor Glenda Rabat-Gayta human nga nakadesisyon ang iyang mga ginikanan nga idonar ang mga organ sa ilang anak aron nga makatabang ngadto sa uban.
Apan ayha namatay ang ilang anak nga si Theo, daghanan ang nagpangutana sa gidangatan sa batan-on human nga gi-airlift pa kini gikan sa ilang lugar paingon sa usa ka hospital sa lungsod human nga nakaangkon kini ug samad pinusilan sa iyang ulo.
Dihang nakutloan sa iyang kinabuhi, mihatag ug pagyukbo ang hospital human nga nakadesisyon ang kabanay sa biktima nga idonar ang mata ug kidney sa batan-on.
Makita sa mikatag nga video nga samtang gidala na paingon sa operating room, mihatag og pagyukbo ang mga hospital staff isip paghatag og respeto.
Nagtuo ang inahan sa biktima nga pinaagi sa gidonar nga organ sa ilang anak, adunay laing kinabuhi ang malugwayan.
Gikanayong dad-on pagbalik ang patay’ng lawas sa biktima sa Mati City sa adlaw nga Domingo, Nobyembre 22.
