DAVAO CITY – Gipahimangnoan sa Task Force Davao (TFD) kadtong adunay plano nga magdala ug mga binuhing hayop sama na lamang sa mga baboy, manok ug daghanan pa nga kinahanglan aduna kini ensakto nga permit aron nga dili mababagan sa checkpoint pasulod sa siyudad ug pabalikon sa ilang point of origin.
Tipik lamang ang maong lakang human ang nasinatian nga Outbreak sa African Swine Fever (ASF) sa luzon.
Kabahin sab kini sa mga lakang nga kinahanglan himuon aron nga masigurong dili makalusot sa dakbayan ang susama nga klase sa balatian sa sagad mo-igo sa mga baboy.
Sumala pa kang Major Ronnel Legarde, Civil Military operations head sa TF Davao, nga gawas sa gipahimutang nga quarantine station, adunay gibutang sab nga footbath station sa mga checkpoint alang sa mga pasahero nga mopailalom sa inspeksiyon.
Gikanayong undagon lamang ang nahisgutan nga mga sumbanan sa higayon nga luwas na ang nasod sa ASF.
Mihangyo na lamang karon ng TFD ug kooperasyon ngadto sa publiko.
