-- ADVERTISEMENT --
DAVAO CITY – Bisan nga nagmalampuson ang Task Force Davao (TFD) sa ilang accomplishment sa 2019 batok sa ginadili nga droga kaabag ang uban pang security unit, naglaom ang ahensiya nga unta mukunhod na ang ihap niini ug likayan na sa mga tawo ang pagkalambigit sa susama nga aktibidad.
Nasayran kang Col. Consolito Yecla, commander sa Task Force Davao (TFD) nga sa tuig 2018 anaa sa P2.6 milyon nga kantidad sa illegal nga druga ang ilang nakumpiska samtang sa 2019, anaa sa P8.5 milyon o 200 percent ang gisaka.
Nasayran sab sa opisyal nga anaa sa 91 ang ilang nasikop sa 2019 diin 77 ang sa checkpoints samtang 14 ang sa gipahigayon nga buy bust operation.
