DAVAO CITY – Walay natala nga mga dagkung problema ug nahimong hapsay ang gipahigayon nga testing and sealing sa mga vote counting machines (VCMs) sa duruha ka mga tulonghaan sa dakbayan kagahapong adlawa bisan pa man nga adunay usa ka makina nga nakasinate ug paper jam.
Kahinumduman nga anaa sa 4,000 VCMs ang anaa sa Davao Region nga gipailalom sa simultaneous final testing and sealing.
Una ng gibutyag ni Commission on Elections (Comelec) Assistant Regional Director Gay Enumerables nga ipahigayon testing and sealing sa tanan nga mga pampublikong tulonghaan nga magsilbing polling precincts latas sa rehiyon.
Gikanayong usa ka VCM ang nakasinate ug technical error sa Magallanes Elementary School.
Nasinatian sumala pa kini human nga nag-jam ang sample ballot sa makina nga miresulta sa pagkalangan sa final testing and sealing process sa nahisgutan nga tulonghaan.
Gawas sa Magallanes, nagpahigayon sab ug testing and sealing sa VCM ang Bolton Elementary School ug DRANHS.
Gitataw sab ni Enumerables nga tanan VCMs ang nahatud na sa mga polling schools sa rehiyon.
Samtang aduna sumala pay repair hubs sa rehiyon sa higayon adunay defective nga VCMs ug dili na kini kinahanglan nga dad-on pa pabalik sa kaulohan arun nga ipakumpuni.
