Gikumpirma ni kanhi Sultan Kudarat Governor Suharto “Teng” Mangudadatu ang hingpit niining pagluwat sa pwesto isip kalihim sa technical Education and Skills Development Authority (TESDA).
Subay sa opisyal niining pamahayag, gikanayon ni Mangudadatu nga milulwat siya sa pwesyo aron hatagan ug igong pagtagad ang iyang pagdagan sa lokal nga posisyon sa mosunod tuig nga eleksiyon.
Bisan pa man niini, gipasalig gihapon sa kanhi TESDA secretary nga magpabilin ang iyang hugot nga suporta sa kasamtangan nga administrasyon.
Dako usab sumala pa ang iyang pasalamat sa pagsalig nga gihatag ngadto kaniya ni Pangulong Ferdinand Marcos Jr ug sa katawhang Pilipino.
Positibo usab sumala pa si Mangudadatu nga bisan pa ug dili na siya kabahin sa gabinete, magpadayon lamang gihapon ang iyang pagtabang aron mapalambo ang kinabuhi sa katawhan.
