DAVAO CITY- Gisugdan na kagahapong adlawa ang gipahibalo sa mga motorista sa dakbayan sa Davao nga adunay temporaryong pagsirado sa dalan sulod sa disi-otso ka-adlaw.
Sumala sa City Transport and Traffic Management Office (CTTMO), ang tulay sa Bolton padulong sa Ecoland ang dili mamahimong maagian sa mga heavy trucks nga adunay gibug-aton nga 6-7 tons ug mosobra pa.
Ipahigayon sumala sulod ning panahuna ang pagrepair sa maong tulay.
Samtang sa Quirino Ave. kanto sa Mt. Apo St. Southbound area kon kilid sa Davao Doctors Hospital padulong sa kanto San Pedro ang dili usab maagian karong panahuna human nga adunay ginapahigayon nga pagrepair sa drainage sa nasampit nga dalan.
Gipangayo karon ang dugang pagsabot gikan sa mga motorista tungod sa temporaryong pagsirado.
Alang sa mga nagabyahe nga padulong sa Quirino Avenue nga gikan sa Matina, mamahimong mogamit sa dalang Magallanes St. ning syudad
