DAVAO CITY – Giablihan na sa lokal nga panggamhanan sa Davao City ang ilahang Tele-Women and Children Protection Unit centers nga dunay medical facility ug duha ka opisina sa panggamhanan sa pito ka mga barangay sa dakbayan.
Usa kini nga bag-ong dangpanan alang sa mga kababayen-an ug kabatan-onan nga biktima sa pagpangabuso nga andam maghatag ug libreng medika, sikolohikal ug legal nga serbisyo pinaagi sa modernong teknolohiya.
Aduna nay gitaganang WCPU centers sa mga barangay sa Matina Crossing, Talomo, Tibungco, Buhangin, Calinan, ug Marilog; samtang duna sab opisina sa SPMC- Institute of Psychiatry and Behavioral Medicine, Integrated Gender and Development Division, ug City Social Welfare and Development Office.
Andam kanunay ang mga doktor, social workers, psychologist ug mga abugado alang sa paghatag ug tabang ug serbisyo alang sa mga biktima sa pagpangabuso.
Libre sab ang ipahigayong audio and video consultation sa bag-ong buhatan.
Dili na kinahanglang muhapit pa ug SPMC ang mga nahisgutan tungod maabot nila ang mga eksperto online alang sa teleconsultation program.
Mamahimo lamang nga muadto sa ilahang mga barangay ang mga clients sa SPMC-WCPU o mamahimo nga mo contact pinaagi sa ilahang hotline number.
Abri kini Lunes hangtud Biyernes,alas 8 sa buntag hangtud alas 4 sa hapon.
Ang Tele-Women and Children Protection Unit, usa ka proyekto sa City Governmenment of Davao, uban ang Child Protection Network, Southern Philippines Medical Center ug UNICEF.
via || Bombo LJ Florendo
