DAVAO CITY – Namatikdan sa Davao City Population Office ang pagdaghan sa mga kaso sa sayong pagmabdos kon sa teenage pregnancies sa Davao City, nga niabot sa 3,251 niadtong 2022, sumala sa datos sa buhatan.
Sumala pa, resulta kini sa gipaluag nga mga restrictions nunot sa COVID-19, nga nagtugot sa daghang mga establisemento nga mag-abli ug magkapundok ang mga tawo.
Anaa lamang sa 4,347 ang kaso sa teenage pregnancy sa Davao City niadtong 2019; apan nius-os kini ngadto sa 3,464 niadtong 2020; ug 2,925 niadtong 2021 atol sa pandemic.
Nagtuo ang acting chief sa CPO nga si Jerrielyn Lewis nga ang pagdaghan sa teenage pregnancy kay tungod sa nagkadako nga kahinam sa pagpakig-uban ug panagtapok.
Gipunting usab sa CPO ang kahimsog sa mga tin-edyer, tungod kay ang ilang mga lawas dili pa andam alang sa pagmabdos, nga mahimong mosangput sa mga isyung panglawas.
Gikatala sab sa Davao City Health Office nga ang kakuwang sa saktong sex education maoy dakong hinungdan sa teenage pregnancy.
Aron matubag kini nga isyu, gidoble na sa CPO ang ilang paningkamot sa pagpalig-on sa kampanya ingon man pagpakatap og impormasyon mahitungod sa maong hisgutananan.
Gikatala sa Philippine Statistics Authority nga ikaduha ang Davao Region sa mga rehiyon nga dunay daghang kaso sa teenage pregnancy nga niabot sa 8.2% niadtong 2022.
via || Bombo LJF
