DAVAO ORIENTAL – Nasubo ang mga magtutungha, magtutudlo ug residente sa Sangab National High School human nga gilamoy og dakong kalayo ang dormitory alang sa mga teachers ganinang buntag, Oktobre 19 ning tuiga.
Gani, gisulayan pa sa mga residente nga palungon ang kalayo, apan paspas kining mikuyanap gumikan gama lamang sa light materials ang maong gambalay.
Ang dormitoryo maoy nagsilbing temporaryong pinuy-anan sa mga magtutudlo nga sagad madestino sa Sitio Sangab, Barangay Pichon sa munisipyo sa Caraga, Davao Oriental diin nahimutang sab ang maong tulunghaan ug dormitory.
Samtang ang naasoy nga eskwelahan sagad miyembro sa tribong Mandaya ang nagatungha diin nahimutang sa sa bukid nga bahin sa Caraga, duol sa boundary sa Davao de Oro ug probinsya sa Surigao.
