DAVAO CITY – Dakong tabang sumala pa ang gipahigayon nga Teacher Induction Program kagahapong adlawa sa Davao recreation Center nga gitambongan sa mga bag-ong na-hired nga mga magtutudlo sa Kinder, elementary, Junior ug Senior High School.
Gipangunahan ang maong aktibidad sa Human Resources Deavalopment Office sa DepEd 11.
Sumala pa kang Dr. Evelyn Fetalvero, regional director sa DepEd-11, nga nag-unang katuyoan sa maong aktibidad nga magiyahan ang mga bag-ong magtutudlo kung unsa ang sitwasyon sa mga estudyante ilabi na sa mga pampublikong tulonghaan.
Kalakip sab sa gitudlo sa mga nahisgutan ang mga pamaagi kung paunsa maangkon sa mga estudyante ang dekalidad nga edukasyon.
Nindot sab sumala pa ang maong aktibidad aron nga madungagan ang competence ingon man preperado ang mga magtutudlo sa pag-atubang sa nagkadaiyang hagit nga ihatag kanila.
