DAVAO CITY – Hingpit na nga gilusad sa dakbayan sa Davao ang Taxi Information Network ug Biyahedukado nga gipangunahan sa Davao City Police ug Transportation Industry.
Ang maong lakang gipaluyohan sa DCPO Traffic Enforcement Unit nga gitambongan sa pipila ka mga opisyal ug pribadong sektor ning dakbayan.
Gilagdaan nila ni DCPO City Director PCOL KIRBY JOHN BRION KRAFT ug ATTY REGELIO G. LARGO ang Memorandum of Agreement tali sa Regional 11 Taxi Operator’s Association ug Davao City Police Office.
Ang maong kasabutan magsilbi nga dalan alang sa pagsagop sa culture of security nga kabahin sa ilang pamaagi aron nga ma-practice ang upat ka mga mahinungdanon nga lakang nga gilangkuban sa Volunteer, Report, Remind ug Participate diin uyon usab niini ang mga taxi companies.
Gi-awhag sab sa Davao City Police ang komunidad nga makighiusa sa pagpatuman sa Executive Order Number 41 aron nga mapabilin ang kaluwasan sa matag usa batok sa mga adunay dautan nga mga plano o isabotahe ang kahusay ug kalinaw sa siyudad.
