DAVAO CITY – Gitin-aw ni Dr. Ashley Lopez, focal person sa Task Force on COVID-19, nga walay mahitabong lockdown sa dakbayan sa Dabaw apan adunay Aggressive Community Testing nga pagahimuon sugod karong adlawa, Nobyembre 27, sa mga high risk barangays.
Kalabot niini, gitin-aw sab ni Lopez nga dili tanang residente sa barangay ang ipailalom sa swab test apan kadto lamang mga indibidwal nga identified nga adunay direct contact sa mga nagpositibo sa COVID-19.
Ang nahisgutan nga 35 ka mga barangay sa dakbayan ang gilangkuban sa Buhangin Poblacion; Brgy. 19-B; Talomo Poblacion; Agdao; Bucana; Toril Poblacion; Matina Crossing; Ma-a; Matina Aplaya; Cabantian; Catalunan Grande; Sasa; Panacan; 21-C; Pampanga; Daliao; Calinan Poblacion5-A; Bago Aplaya; 27-C; Centro San Juan; Tugbok Poblacion; Leon Garcia Sr.; 32-D; 9-A; Baliok; 20-B; Tibungco; Bunawan; Lizada; Tigatto; 28-C; 7-A ug Indangan.
Unang ipahigayon ang Aggressive Community Testing sa tulo ka mga barangay diin mao ang Buhangin, Bucana ug Paciano Bangoy o Brgy. 23-C.
