Magmugna ug task force ang Philippine National Police (PNP) aron imbestigahan ang pagkatag sa peke nga video ni Pangulong Ferdinand Marcos Jr. nga matod pa migamit kuno ug iligal nga droga.
Gipahayag ni Interior and Local Government Secretary Benhur Abalos nga pangunahan sa PNP Anti-Cybercrime Group (ACG) ang task force aron pamatud-an nga deep fake ang nahisgutang video. Samtang gikanayon usab sa Presidential Communications Office (PCO) ug Department of National Defense (DND), makaduda ang pagpagawas sa video nga nagagikan sa grupong Maisug ug gipagawas sa usa ka rally sa Los Angeles, USA.
Bisan ang pagpagawas sa ginahimong video sa Estados Unidos ang usa ka pagsulay aron likayan ang criminal jurisdiction sa Pilipinas.
Gipahayag ni Defense Sec. Gibo Teodoro, nagpagawas sila ug video panahon sa SONA ug adunay grabe sila nga plano aron i-destabilize ang gobyerno ug klarong hinimo-himo lamang ug nganong sa Amerika, aron dili lamang mag-atubang sa hustisya ang mga nagpaluyo niini ug mapahinay ang institusyon.
Gumikan niini, giawhag sa gobyerno sa Pilipinas ang kagamhanan sa Amerika nga imbestigahan ang nagpakatag sa video.
Gipaneguro usab ni PNP Chief PGen. Rommel Francisco Marbil nga manubag sa balaod ang responsable sa nahisgutang video.
Samtang gipahayag usab ni Directorate for Investigation and Detection Management (DIDM) Acting Director Police Brigadier General Matthew Baccay, mag-atubang sa criminal ug civil liability ang bisan si kinsang mapamatud-an nga nagpaluyo sa pagpakatag sa peke nga video.
