DAVAO REGION- Nagpabiling mabinantayon ang Task Force Davao sa nagkadaiyang entry points niining atoang dakbayan human ang mga bag-uhay lamang nga pagsulay og palusot og illigal nga droga sa syudad.
Sumala pa ni Task Force Davao Commander Col. Darren Comia nga hugot ang ilahang pag-bantay og mas istrikto ang ilahang ginabuhat nga inspeksyon.
Sigon pa ni Comia nga tungod sa ilahang striktong pagpatuman sa balaod, miresulta kini sa pagkasakmit og illigal nga droga ug armas sa pipila ka entry points sa milabayng semana.
Kahinumdumang niadtong Mayo 29, 2024 miresulta ang joint operation sa Task Force Davao ug Davao City Police Office sa pagkasakmit sa dakong kantidad a illigal nga droga ngadto sa Lacson Checkpoint,Calinan District ning dakbayan sa Davao.
Pagkumpirma pa niini nga napasakaan na og kaso ang maong suspetsado nga misulay sa pagpalusot og illigal nga droga sa dakbayan.
Pagpasalig pa ni Comia nga nagpadayon sila sa pagpalig-on sa seguridad sa syudad pinaagi na usab sa pakig-coordinate sa mga personahe sa Davao City Police Office ug uban pang law enforcement agencies.
Dugang pa niini nga gina-promotar sa Task Force Davao dili lamang sa mga checkpoint apan sa kinatibuk-an ang “culture of security” pinaagi sa anti-terrorism forum alang sa pipila ka grupo.
via/ DMA
