DAVAO CITY – Gibutyag sa Bureau of Internal Revenue (BIR) nga laoman sumala pa ang P2.1-billion nga pag-ubos o tugbang sa 10 percent nga target revenue collection sa ahensiya nga P21 billion alang karong 2020 gumikan sa nagkataas nga ihap sa pagkuyanap sa coronavirus disease 2019 (COVID-19).
Sa kasamtangan, nagpabilin pa nga gawasnon batok novel coronavirus 2019 (COVID-19) ang dakbayan kini subay sa laboratory results nga gipahigayon sa Research Institute for Tropical Medicine (RITM) sa usa ka pasyente nga na-confine sa Southern Philippines Medical Center (SPMC) kinsa nagnegatibo kini sa maong balatian.
Sumala pa kang Abolhasan S. Balindong, assistant revenue district officer sa BIR-East Davao, nga ang Regional Revenue Office 19 sa BIR diin sakop niini ang mga siyudad sa Davao, Tagum, Digos, ug Mati ang dili sumala pa makaangkon sa target alang karong ilabi na nga daghanang mga establisyemento karon ang apektado sa COVID-19.
Sagad sumala pa sa nahisgutan nga mga gambalay ang gilangkuban sa food and tourism industries diin daghanan ang naglikay gumikan pa gihapon sa pagkuyanap sa virus.
