Gilauman nga mag-abri ang Taiwan og kapin 180,000 ka mga trabaho sa caregiving sulod sa umaabot nga lima ka tuig, nga maghatag og dakong oportunidad alang sa mga Pilipinong gusto magtrabaho sa gawas sa nasud.
Bisan pa man nga nagasaka ang panginahanglanon sa mga caregiver,namatikdan usab ang pagkunhod sa ihap sa mga Pilipinong naga-aplay sa nakalbay nga mga tuig.
Sa pagkakaron, ang mga caregiver giisip nga mga household service workers sa Department of Migrant Workers (DMW), mao nga ang ilahang binulan nga sweldo ang anaa na sa kapin P20,000. Tungod niini, nawadan og gana ang ubang mga Pilipino nga mosulod sa maong trabaho.
Bisan pa nga gidili ang pagpangolekta og placement fee sa mga recruitment agency alang sa mga caregiver applicants, nanawagan ang Association of Licensed Recruitment Agencies sa Department of Migrant Workers nga usbon og tan-awon pag-usab ang klasipikasyon sa mga caregiver nga mahimong semi-skilled workers aron motaas ang ilahang sweldo ug aron mapadasig ang mas daghang Pilipino nga mag-aplay.
