Tagi-Tagi nga pag-usbaw sa produktong petrolyo ipatuman na sugod karong adlawa

Nagpatuman na og bigtime oil price hike ang mga kompanya sa lana karong adlawa.

Sugod alas-6 kaganihang buntag, gipatuman ang P5.20 nga pagsaka sa matag litro sa gasolina.

Samtang P13.95 usab ang pagsaka sa matag litro sa diesel.

Adunay P20.95 nga pagsaka sa matag litro sa kerosene o gaas.

Ang maong pagsaka staggered basis lamang, tungod kay adunay bag-ong round sa pagsaka karong Miyerkules, Marso 11.

Sa Miyerkules, madugangan pa og P3.60 ang matag litro sa gasolina, P7.90 sa matag litro sa diesel, ug P15.00 sa matag litro sa kerosene.

Una nang gipahayag sa Department of Energy (DOE) nga posible pa ang dugang nga pagsaka sa presyo sa petrolyo sa mosunod nga mga adlaw, tungod sa padayon nga kagubot sa Middle East.