DAVAO CITY – Landig sa balay tambalanan ang usa ka myembro sa Special Weapons And Tactics kon SWAT sa Davao del Norte Provincial Police homan nga naigo sa nahitabong engkwentro samtang nga nagserve og Search Warrant.
Pasado alas 3:15 sa hapon dihang padulong nga i-serve sa kapulisan ang search warrant ngadto sa usa ka Rammie Jhon Caylan sa Prk 1, Pagaran compound, Brgy. Apokon, Tagum City.
Nakamatikod ang suspek og nakigpinusilay ngadto sa operating team, hinungdan nga naigo sa ubos nga bahin sa lawas si PSSg Quimba ug angol usab ang suspek nga si Caylan kinsa gideklarang dead on arrival sa Davao Regional Medical Center.
Samtang si PSSg Quimba pabiling anaa sa close monitoring ang kahimtang sa ospital. Narekober sa crime scene ang cal. 45 pistol nga dunay lima ka bala ug empty shell sa .45 cal bullet.
Nagmalampuson usab ang pag serve sa search warrant nga nagresulta sa pagka aresto sa walo ka indibidwal ug pagkumpiska sa shabu, drug paraphernalia, ug duha la unregistered loose firearms.
