Gipahayag sa National Bureau of Investigation (NBI) sa Senado nga adunay nakakita kang suspended suspended Bamban, Tarlac Mayor Alice Guo sa Bulacan sa wala pa gipagawas ang arrest order niini.
Kini ang giluwatang pahayag ni NBI assistant Dircetor Angelito Magno sa nagpadayong imbestigasyon sa Senado sa paghisgot sa POGO Hubs, samtang gikwestyon ni Senate President Pro Tempore Jinggoy Estreada ang law enforcement agencies sa kapakyasang maaresto si Guo homan gipagawas ang arrest order duha ka semana na ang nakalabay.
Gumikan niini, gibaharan ni Estrada ang NBI ug Philippine National Police nga kuhaan ang ilahang budget sa higayong mapakyas sa pag-aresto kang Guo.
Matod pa sa senador, gikinahanglang adunay insaktong koordinasyon ang nahisgutang mga ahensya sa tanang law enforcement agencies gumikan kay kabahin sa senado ang Senate Sergeant-at-Arms (OSAA) nga dili susama ka powerful sa nahisgutang mga ahensya nga tanang resources ang anaa sa ilaha.
Gitubag usab sa NBI ang Senador nga nagkanayong himuon sa NBI ang ilahang makaya aron maaresto si Guo.
Dugang pa niini, ang arrest order ang napakatag na sa mga regional ug district offices sa NBI.
Gipaningkamutan usab sa NBI Cybercrime Group nga makita ang IP address ni Guo homan kini nag-post ug pamahayag sa Facebook pages niini.
Samtang sa kabahin usab sa PNP, gipahayag ni Police Colonel Jun Mark Lagare, chief of staff sa Criminal Investigation and Detection Group (CIDG) nagbutang na sila ug tracker team sa ilahang regional field units aron pangitaon si Guo.
