Giandam na sa kapulisan sa Antipolo ang kaso batok sa 28-anyos nga suspek nga namusil sa tulo ka mga tawo tungod sa lalis sa trapiko. Kahinumduman nga nagtinabangay ang duha ka rider batok sa suspek human sila nagkasumpaki sa dalan sa Sitio Calumpang, Barangay San Jose sa siyudad sa Antipolo.
Gipusil sa suspek ang mga biktima diin ang 52-anyos naigo sa ulo, ang 22-anyos nga estudyante naigo sa tuo nga bukton, samtang ang 29-anyos nga biktima naigo sa tuo nga tiyan. Nakasulay pa og dagan ang suspek sakay sa SUV apan naapsan kini sa mga niresponde nga pulis.
Nakuha gikan kaniya ang 9mm nga pusil nga adunay magazine nga adunay 15 ka bala ug walo ka fire cartridge sa nasampit nga armas. Giawhag ni Rizal police provincial director P/Col. Felipe Maraggun ang mga nakasaksi nga mogawas ug ipadayag ang ilahang mga nahibal-an.
