DAVAO CITY – Gipahibalo sa Davao City 19 Task Force nga hingpit na matud pa nga natapos ang nasinatian surge sa Covid-19 sa dakbayan.
Sumala pa kang Davao City covid-19 Task Force spokesperson Dr. Michell Scholosser, nakab-ot na matud pa karon sa lokal nga kagamhanan ang 5 porsyento nga positivity rate nga maong baseha sa World Health Oganization (WHO) arun nga ideklara ang usa ka lugar nga ubos na ang kaso sa Covid-19.
Apan luyo, nagpahinumdom ang opisyal sa publiko nga dili pa panahon aron nga magsadya ug kinahanglan nga ipabilin pa gihapon ang pagtamud sa minimum health standards ilabi na kung muadto sa mga lugar nga sagad dagsaon sa mga tawo kini aron nga dili na subling masinatian ang pagdaghan sa mga natakdan ug Covid-19 sama na lamang sa milabay nga holiday season.
Dili sab sumala pa angayan nga magpasagad na lamang ang publiko ilabi na nga nagpabilin pa gihapon hangtud karong panahona ang kaso sa Covid-19.
Una na sab nga nagpahinumdom ang Covid-19 Task Force ngadto sa mga establisiyemento nga hugtanong ipatuman ang minimum public health standard ngadto sa mga kostumer sama sa pagsupot ug facemask ingon man social distancing.
