DAVAO CITY – Gisiguro sa Davao Light and Power Company ang bastanteng suplay sa kuryente sa mga lugar nga nalukop sa ilang serbisyo karong summer season.
Gikanayon ni Rodger Velasco, presidente ug chief operating officer sa DLPC nga walay power shortages nga mahitabo sa musunod nga mga bulan.
Dugang pa nga adunay igong supply sa kuryente gumikan sa bilateral contracts nga gikuptan sa kumpanya, apan mamahimo gihapong mapahimuslan ang gitaganang Wholesale Electricity Spot Market sa isla sa Mindanao nga mukabat sa sobra nga 1,000 megawatts gikan sa 3,000 megawatts nga available supply alang sa tibuok isla sa Mindanao nga gikatahong mukonsumo og nasa 2,000 megawatts.
Pagpaklaro hinuon sa kumpanya nga aduna gihapon emergency interruptions gumikan sa mga nangaguba nga poste o masangit nga mga butang sa mga kable sa kuryente.
Una nang gikabutyag sa DLPC ang ubos nga singil sa kuryente nga anaa lamang sa 38 centavos matag kilowatt-hour niadtong bulan sa Marso gumikan sa abundang suplay niini dinhi sa Mindanao.
via || Bombo LJF
