Nagpaabot og pasalamat si Mayor Cyrex Basalo human ang pagbalik sa supply sa kuryente sa lungsod sa Montevista, Davao de Oro.
Kahinumduman nga naputlan og kuryente ang ginatawag nga “Lights Capital” sa probinsya sa Davao de Oro ang lungsod sa Montevista gumikan sa kapakyasan niining mabayran ang billing nga niabot og kapin usa ka milyon pesos.
Sumala pa sa mayor, nabalik ang maong supply human nga siya gibisita nila Congressman Ruwel Gonzaga ug NORDECO Acting General Manager Elvera Alngog og dayong nagdayalogo alang sa mga inisyatibo nga pwedeng mabuhat uban ang paghangyo nga mabalik ang kuryente sa dili madugay nga panahon.
Gibayaran matud pa sa lungsod ang biling sa bulan sa Mayo ug Hunyo uban ang gikanayon niining pag-apruba sa budget gikan sa Sangguniang Bayan.
Ning kasamtangan, wala pa nagpaguwa og pamahayag si Vice Mayor Joel Lungtad human kini nga gibasol sa mayor uban sa iyang mga sakop sa matud pa nahimo niining kapabayaan.
