DAVAO CITY – Gumikan sa sunod-sunod nga nasinatiang kusog nga linog sa Davao region sa milabay nga semana, hugtanon karon ang gipahigayon nga pagmonitor sa ahensiya sa City Disaster Risk Reduction and Management Office (CDRRMO) ngadto sa mga lugar delikado sa pagdahili sa yuta.
Sumala pa kang Rodrigo Bustillo, operations and warning officer sa CDRRMC, nga posibleng mamahimong hinungdan ang kusog nga linog sa pagliki sa mga yuta sa pipila ka mga lugar sa Davao region nga maoy hinungdan sa pagdahili sa yuta.
Delikado sab sumala pa nga masinatian ang landslide gumikan sa nasinatian nga pag-ulan sa rehiyon.
Sa kasamtangan, wala sumala pay nadawat nga report ang CDRRMO nga mihatud ug kadaut ang kusog nga pagtay-og sa rehiyon ngadto sa mga establisyemento ug istraktura.
