DAVAO CITY – Aprubado na karon sa konseho ning siyudad sa ikaduhang pagbasa ang ordinansa nga himuong krimen ang pagmaneho nga walay lisensiya.
Una ng gibutyag ni Konsehal Conrado Baluran, committee chairperson sa transportation and communication, nga giduso nila ang ordinansa aron pahamtangan og kaso ang mga motorista sa higayon nga wala kini dala nga bisan unsa man nga valid driver’s license nga iyang mapakita sa traffic enforcers.
Una ng nasayran sa opisyal nga ang ihap sa mga violators nga nagmaheno og walay lisensiya ang misaka na sa halos 10,000 sukad Setyembre 2017 hangtud sa kasamtangan.
Gikanayong ang pagmaneho nga walay lisensiya ang anaa sa ika-siyam sa 46 sa 49 driving violations nga sakop sa Traffic Code.
Base sa ipahamtang nga penalty, ang mga madakpan nga walay lisensiya mamahimong pabayrun og P1,000 o pagkabilanggo sulod sa 10 ka adlaw.
Sa second offense, pabayrun ang mga nahisgutan og P3,000 o pagkabilanggo og 15 ka adlaw.
Samtang sa third offense, ang mga violator mobayad ug P5,000 o pagkabilanggo sulod sa 30 ka adlaw.
