DAVAO CITY – Gi-aprubahan na sa 19th Davao City Council ang resolusyon nga tangtangon ang pagpatuman sa martial law dinhi sa dakbayan.
Kahinumduman nga midusosi committee of peace and public safety chair Councilor Mabel Acosta ug resolusyon nga mihangyo kang President Rodrigo Duterte nga dili na ilakip ang siyudad sa pagpatuman niini.
Sa iyang mensahe, gikanayon ni Acosta nga bisan nakaangkon na karon ang siyudad ug “economic progress” sulod sa duruha ka tuig apan mamahimong makaapekto pa gihapon kini sa business, trade ug investment.
Una ng nagpadayag si Mayor Sara Duterte-Carpio nga plano niyang hangyuon si Pangulong Duterte nga dili na ilakip ang dakbayan sa balaod militar human nga usa kini sa mga nahimong concern sa pipila ka mga business officials ug foreign delegates atol sa gipahigayon nga Davao Icon dinhi sa siyudad.
Mihangyo sab ang Mayor sa security forces nga mohimo ug lalom nga assessment kalabot sa sitwasyon karon sa siyudad.
