DAVAO CITY – Sugod karong adlawa mahimo nang unsi pesos ang minimum nga plitihan sa mga PUJ sa dakbayan sa dabaw.
Kini human nga gi-aprubahan sumala pa sa land transportation franchising regulatory boartd (LTFRB) ang provisional fare hike sa mga public utility vehicles sa tibuok kapupud-an.
Gikabutyag nga gihatagan na ug pagtugot sa LTFRB nga ipatuman na usab sa uban pang mga rehiyon ang na-una na niining naaprubahan nga P1 provisional fare increase.
Kini ang gilangkuban sa Metro Manila, Region 3 ug 4, Cebu ug Davao.
Samtang sa ubang bahin sa nasud, gikan sa P7.50 nga pamasahe mahimo na kining P9.50.
Subay sa pito ka panid nga kamanduan sa LTFRB penetsahan ug June 29, gi-aprubahan niini ang duha ka petisyon nga giduso sa upat ka mga transport groups nga gilankguban sa 1UTAK, Pasang-Masda, ACTO ug ALTODAP.
Kini ang resulta na usab sa padayon nga pagsaka sa presyo sa mga produktong petrolyo sa nasud. Kahinumduman nga una nang giaprubahan niadtong Junee 8 ang piso nga usbaw sa plitihan sa mga PUJ sa Metro Manila, Central Luzon ug Region IV apil na sa Calabarzon (Cavite, Laguna, Batangas, Rizal, Quezon) ug Mimaropa (Oriental Mindoro, Occidental Mindoro, Marinduque, Romblon, Palawan).
Apan, walay usbaw sa mosunod nga mga kilometro human ang 4 ka kilometro nga distansiya nga sakop sa minimum fare. Labot niini, gitin-aw sa LTFRB nga apil usab sa kamanduan sa tanang mga PUJ nga hatagan ug 20% discount ang mga senior citizens, estudyante ug mga persons with disabilities; tanang mga PUJ angayang mopapilit sa notice of increase sulod sa mga sakyanan.
Samtang, gidasig ni Acting presidential spokesperson Martin Andanar ang mga jeepney drivers nga ipadayon ang ilang operasyon uban sa pasalig nga anbg gobyenro mihimo sa ilang trabaho aron makunhuran ang impact sa taas ngha presyo sa mga produktong petrolyo.
