DAVAO CITY – Usaka dakong opurtunidad alang sa hingpit nga pagka-recover sa ekonomiya sa dakbayan sa Dabaw ang subling pag-abri sa operasyon sa Roxas Night Market unyang gabii.
Gikanayon ni Public Safety and security command center (PSCCC) Head Angel Sumagaysay, sulod sa halos duha ka tuig, nag-antos ang syudad ug ang katawhan ilabi na niadtong nasinatian ang surge sa covid 19.
Lakip usab sa grabe nga naapketuhan ang panginabuhian sa mga vendors human temporaryong gihunong ang operasyon sa night market aron malikayan ang pagtakod-takod sa virus.
ugang pa ni SUmagaysay nga dili tiaw ang gihimong pagpangandam sa lokal nga kagamhanan sa pag-abri sa night market partikular na ang pagpatuman sa minimum public health standard ug ang seguridad sa mga moadto dinhi.
Kagahapong adlawa gipahigayon sa security cluster ang send off ceremony sa halos tres sientos ka mga molangkob sa security forces nga mobantay sa tibuok area sa Roxas Night Market.
Dugang pa ni SUmagaysay nga sa kabahin sa security cluster ilalom sa PSSCC plastado na mga sakop sa Davao city police office diin maggikan ang mahimong ground commander ug ang assistant ground commander nga gikan sa task force davao; civil security unit, ug mga barangay tanud.
Sa kabahin usab sumala pa sa mga vendors, gitudluan na usab sila sa mga hingtungdang ahensiya kung unsa ang ilang angayan nga buhaton gikan sa pagpanghipos sa ilang mga basura, pagkontrola sa ilang mga customers ug labaw sa tanan sa pagbantay sa ilang palibot isip kabahin sa kampanya sa gobyerno nga Culture of Security nga “Kung may Makitia, Dapat Magsalita”.
