Mikatag karon ang mga espekulasyon sa social media kabahin sa sumala pa bag-ong epidemic o virus outbreaks sa China.
Nasayran nga pipila sa socmed user ang nagpaambit sa video sa mga ospital nga puno sa mga pasyente lakip ang crematories sa China tungod sumala pa sa paspas nga pagkuyanap sa “multiple viruses” lakip ang human metapneumovirus (HMPV), Mycoplasma, Pneumonioae ug COVID-19.
Usa ka user usab ang nagbutyag nga nagdeklara na sumala pa ang China og state of emergency.
Apan kini nga mga claim ang wala pa’y konkretong ebidensiya sa pagkakaron.
Lakip ang Chinese health officials o World Health Organization (WHO) ang wala pa’y kumpirmasyon kabahin sa bag-ong epidemic o deklarasyon sa state of calamity.
Sumala pa sa Financial Express, ang respiratory virus nga HMPV ang inisyal nga nadiskubrehan niadtong 2001 nga misaka sa amihanang bahin sa China ilabi na sa mga edad nga 14 anyos paubos.
Dugang pa niini, nga ang acute respiratory infections partikular na ang HMPV ang misaka subay sa datos gikan Dec. 16 hangtong 22. Kabahin niini, naglusad na ang National Disease Control and Prevention Administration of China og case verification ug laboratory reporting.
BREAKING: China
Declares State of Emergency as Epidemic Overwhelms Hospitals and Crematoriums. Multiple viruses, including Influenza A, HMPV, Mycoplasma pneumoniae, and COVID-19, are spreading rapidly across China. pic.twitter.com/GRV3XYgrYX — SARS‑CoV‑2 (COVID-19) (@COVID19_disease) January 1, 2025
Samtang, gisulayan usab sa Bombo Radyo nga kuhaan ug kumpirmasyon ang World Health Organization ug hatagan og katin-awan ang isyu sa sumala pa virus outbreak sa China.
