DAVAO CITY – Mideklara na og State of Calamity ang tibuok probinsya sa Davao De oro human miuyon ang Sanguniang Panlalawigan pinaagi sa Resolution NO. 1813-2022 , gumikan sa rekomedasyon ni Provincial Disaster Risk Reduction and Management Council head nga si Governor Jayvee Tyron Uy, human gipasa niini ang resolusyon nga nagpailalom sa Davao De Oro sa State of Calamity sa lalawigan.
Kahinumduman karong semana nga mipatigbabaw ang Low Pressure Area (LPA) sa Mindanao nga miresulta sa pagkadaut sa mga imprasktraktura, agrikultura, ug panginabuhian sa mga Dabawenyos sa Davao de Oro.
Una niini, liboan ka mga residente ang naapektohan sa halapad nga pagbaha human nga gisulod sa tubig baha ang ilang mga pinuy-an ug pagkadaut sa ilang propedad.
Hinuon kadaghanan sa mga residente ang nakabalik na karun sa ilang tagsa-tagsa ka mga panimalay.
