DAVAO CITY – Sikop sa gihiusang pwersa sa 10th Infantry Division at Davao Oriental Police Provincial Office ang usaka squad leader sa New People’s Army (NPA) dungan sa pagkasakmit sa unom ka mga armas niini.
Sa mensaheng gipadala ni 10th ID Public Affairs Officer Capt. Mark Tito, giila ang NPA nga si Cayetano Santos Jr. alias “Juning”, squad leader ilalom sa Regional Operations Command.
Sumala kang Tito nadakpan si Santos niadtong Mayo 12 sa Barangay Simulao, lingsod sa Boston Davao Oriental kung diin nakuha gikan kaniya ang Carbine Rifle, M1 Garand Rifle,, Shotgun, RPG-2 Grenade Launcher, Sub-Machine Gun, M16 Rifle, ug Anti-Personnel mine.
Subay sa report, nag lie-low sumala pa si Santos sa kalihukan ug nagtagotago sa nahisgutang dapit gumikan sa dili maayong kondisyon sa iyang tuhod nga dili makalakaw.
Gidayeg usab ni 10th ID Commander, MGen Nolasco Mempin ang tropang nakadakop nini ug nanawagan sa mga nagtago-tago pa nga NPA nga mobalik na sa sabakan sa kagamhanan.
