DAVAO CITY – Hugtanong gipanghimakak sa Southern Philippines Medical Center (SPMC) ang migawas nga balita mga milayas gikan sa maong tambalanan ang usaka bata nga positive sa covid 19 disease kauban ang iyang amahan.
Kini ang katin-awan nga giluwatan ni Dr Ricardo Audan, ang officer in charge sa Suthern Philippines Medical center.
Gikanayon ni Dr Audan, wala miikyas gikan sa nahisgutang ospital ang nahisgutang bata kuyog ang amahan niini, subay na usab sumala pa sa report nga gipadangat kaniya sa security personnel sa maong tambalanan.
Dugang pa ni Audan nga plano nila karon nga mangayo ug tabang sa PNP alang sa pagpakatag ug kapulisan sa ospital isip dugang sa gipahamtang nga seguridad sa SPMC gumikan na usab sa padayon nga pagtaas sa ihap sa mga pasyente niini.
kahinumduman nga una nang mikatag nga balita nga mipa-uli sa ilang pinoy-anan sa Ilang Bunawan ning syudad ang amahan kauban ang iyang anak human wala dayon maatiman sa mga doktor sa SPMC.
Sa karon naka confine na sa ospital ang bata samtang gipa-ilalom sa home quarantine ang amahan niini.
