DAVAO CITY – Gi-uyunan sa Southern Philippines Medical Center (SPMC) ang subling pagpatuman sa lokal nga kagamhanan sa mas sayong curfew hour nga gikan alas 7 sa gabii hangtud alas 5 sa buntag.
Gikanayon ni Dr. Ricardo Audan, OIC sa SPMC dakong tabang ang nahisgutang lakang aron mapugngan ang pagdaghan sa kaso sa covid 19 sa syudad.
Sumala ni Dr Audan, kung limitado ang lihok sa mga tawo, limitado usab ang pagkatag sa virus ug dakong tabang na kini aron makuhaan usab ang mga pasyente nga ilang gina-atiman sa maong balay tambalanan.
Samtang, gigamit na usab karon alang sa mga covid 19 patients ang karaan nga orthopedic ward sa SPMC nga adunay 20 bed capacity hinungdan nga miabot na sa 277 ang ward beds nga gitagana alang sa mga covid infected patients sa maong ospital.
Dinhi usab gi-assign sumala pa ang mga doctors ug nurses nga gikan sa Police regional office 11.
Apan, bisan pa man niini, giangkon lamang gihapon ni Dr Audan nga nagpabilin lamang gihapon karong kulang ang ihap sa mga nurses sa SPMC.
Tungod niini, padayon ang pakig-alayon sa SPMC ngadto sa ubang mga buhatan sa gobyerno.
Sumala ni Audan, magpadala usab sila ug sulat sa Buau of Fire Protection (BFP) alang sa augmentation niini sa ilang mga nurses sa SPMC.
Hangtud niadtong Oktobre 14, 2020 naa na sa 93.33% ang ICU Occupancy rate ug 91.65% usab ang ward occupancy sa SPMC.
