Mitug-an ang Southern Philippines Medical Center (SPMC) nga padayon nga nag-atubang og dakong hagit ang ilang emergency room tungod sa kapuno sa mga pasyente nga nanginahanglan dayong medikal nga pag-atiman.
Sumala ni Dr. Ricardo Audan, ang Medical Center Chief sa SPMC, wala pa muluag ang pasilidad sukad kay kasagaran sa mga pasyente adunay hypertension ug taas nga lebel sa asukal sa lawas.
Gi-awhag ni Dr. Audan ang publiko, ilabina kadtong mga dunay gibati nga chronic illnesses, nga magmatngon ug siguruhon ang pag-inom sa ilang maintenance nga tambal.
Sigon pa niini nga daghang kaso sa pasyente ang matambalan unta kung ang ilang kondisyon mapugngan pa lang sa sayo pa nga panahon.
Matod pa ang regular nga pagtumar sa tambal ug pag-monitor sa kahimtang sa lawas makatabang aron malikayan ang emergency nga kahimtang.
Bisan pa sa kapuno, giklaro ni Audan nga abli gihapon ug andam ang emergency room sa SPMC nga modawat ug mutabang sa mga pasyente.
Nangayo usab kini sa pagsabot ug kooperasyon sa katawhan samtang naningkamot ang ospital sa pagserbisyo sa tanang nanginahanglan.
