Special investigator sa CHR, matud pa gihulga sa mga miyembro sa KOJC

DAVAO CITY- Nagpagawas na ug pamahayag ang Commission on Human Rights (CHR) sa mga nahitabong insidente sa gikasang operasyon sa kapulisan nga warrant of arrest batok kng pastor Apollo Quiboloy.

Gipahayag sa CHR nga likayan unta sa mga supporters ni Quiboloy nga mang-harass ug mga sibilyan nga gihimo lamang ang ilahang katungdanan.

Gikabutyag nga usa ka special investigator sa CHR ang gihulga sa mga miyembro Kingdom of Jesus Christ (KOJC).

Samtang gipahinumduman usab sa komisyon ang kapulisan nga hangtod mahimo, likayan ang pagamit ug unnecessary force ug violence sa gihimo niining operasyon.

Gikinahanglkan nga mosunod ang duha ka partido sa due process sa balaod ug respituhon ang nakabutang sa konstitusyon.